ಬಾ ಬೆಳಗು ಜ್ಯೋತಿ

-ಬಾ ಬೆಳಗು

ಬಾ ಬೆಳಗು ನನ್ನೊಳಗೆ 

ಅರಿವ ಕಣ್ಣ ತೆರೆವ ಜ್ಯೋತಿ

ನೂರು ದಾರಿಗಳಿಗೆ ನನ್ನ ನಾ

ತೆರೆದುಕೊಳ್ಳುವ ಮುನ್ನ

ಕಾಣದ ಬಲೆಯೊಳಗೆ ನಾನೇ 

ನಾನಾಗಿ ಸಿಲುಕುವಾ ಮೊದಲು

ಬಾ ಬೆಳಗು ನನ್ನೊಳಗೆ ಬೆಳಕೇ

ಕಾಣದಾ ಅಲೆಗಳು ನನ್ನ

ಮುತ್ತುವ ಭಯವಿದೆ 

ಮಂಜಾದ ಹೊರಗಣ್ಣು

ಒಳಗಣ್ಣಿನಾ ಆಣತಿ ಬಯಸಿದೆ

ನನ್ನೊಳಗ ನಾ ಅರಿಯೆ 

ನಿನ್ನಾಸರೆ ಬೇಕಾಗಿದೆ

ಓ ಜ್ನಾನ ಜ್ಯೋತಿ

ಬಾ ಬೆಳಗು ಅಂತರಾತ್ಮವ

ತಮವಳಿಯಲಿ ಹೃದಯದಲಿ

ಅರಿವಿನಾ ಕಣ್ಣು ತೆರೆಯಲಿ....,.✒- ಸುನೀ