ಬಾ ಬೆಳಗು ಜ್ಯೋತಿ

-ಬಾ ಬೆಳಗು

ಬಾ ಬೆಳಗು ನನ್ನೊಳಗೆ 

ಅರಿವ ಕಣ್ಣ ತೆರೆವ ಜ್ಯೋತಿ

ನೂರು ದಾರಿಗಳಿಗೆ ನನ್ನ ನಾ

ತೆರೆದುಕೊಳ್ಳುವ ಮುನ್ನ

ಕಾಣದ ಬಲೆಯೊಳಗೆ ನಾನೇ 

ನಾನಾಗಿ ಸಿಲುಕುವಾ ಮೊದಲು

ಬಾ ಬೆಳಗು ನನ್ನೊಳಗೆ ಬೆಳಕೇ

ಕಾಣದಾ ಅಲೆಗಳು ನನ್ನ

ಮುತ್ತುವ ಭಯವಿದೆ 

ಮಂಜಾದ ಹೊರಗಣ್ಣು

ಒಳಗಣ್ಣಿನಾ ಆಣತಿ ಬಯಸಿದೆ

ನನ್ನೊಳಗ ನಾ ಅರಿಯೆ 

ನಿನ್ನಾಸರೆ ಬೇಕಾಗಿದೆ

ಓ ಜ್ನಾನ ಜ್ಯೋತಿ

ಬಾ ಬೆಳಗು ಅಂತರಾತ್ಮವ

ತಮವಳಿಯಲಿ ಹೃದಯದಲಿ

ಅರಿವಿನಾ ಕಣ್ಣು ತೆರೆಯಲಿ....,.✒- ಸುನೀ

ಕಾಲ ಕಾಯುವುದಿಲ್ಲ ಯಾರಿಗೂ

ನೀನೆ ಓಡಬೇಕು ಅದರೊಂದಿಗೆ

ಮುಗಿಸಬೇಕು ನಾಳೆಯ ಕೆಲಸ

ಇಂದೇ ಈಗಲೇ ಎನುವಂತೆ

ಕಾಯಬೇಡ  ಖುಷಿಯ

ಘಳಿಗೆಗಳಿಗಾಗಿ ಕಾಯಿಸಲೂ

ಬೇಡ  ನಿರೀಕ್ಷೆಗೆಡೆಮಾಡಿ..

ಚಿಕ್ಕದು ಹುಟ್ಟು ಸಾವಿನ

ನಡುವಿನ ಜೀವನ

ಹೇಳಲಾಗದು ಸಾವಧಾನ

ಅದು ಹೀಗೇ ನಡೆಯುತ್ತಿರುತ್ತದೆ

ಬದುಕಿನೊಡನೆ ನಮ್ಮ ಸಂಧಾನ..... ಸುನೀ❤️

ಕೃಷ್ಣನಾಗುವುದೆಂದರೆ  

ಹೆಂಗೆಳೆಯರ ಸುತ್ತ

ಸುತ್ತುವುದಲ್ಲ

ಸ್ನೇಹದ ನೆಪದಲಿ ಅವರ

ಮನಸಿನೊಡನಾಡುವುದಲ್ಲ 

ಪ್ರೀತಿಯ ಹೆಸರಿನಲ್ಲಿ  ನಗ್ನ

ಮಾಡುವುದಲ್ಲ

ಗೋಪಿಕೆಯರಿದ್ದರೂ ರಾಧೆಗಾಗೇ

ಪ್ರೀತಿಯ ಮೀಸಲಿಟ್ಟವನ

ಸಾವಿರ ಸಾವಿರ ಹೆಂಡಂದಿರ

ಮಧ್ಯೆಯೂ ಬ್ರಹ್ಮಚರ್ಯೆ

ಕೈಗೊಂಡವನ

ಸ್ನೇಹದಲ್ಲೂ ಪ್ರೀತಿಯ

ಪಾಲಿಸಿದವನ

ಭಕ್ತಿ ಪ್ರೀತಿ ನಿಷ್ಠೆಗಷ್ಟೇ

ಒಲಿವ ಕೃಷ್ಣನಾಗುವುದು

ಸುಲಭವಿಲ್ಲ.... ಸುನೀ

ಸ್ನೇಹ ಪ್ರೀತಿಯನ್ನು ಅದನ್ನು ನಿಭಾಯಿಸಲಾಗದವರು ಮಾಡಲೇ ಬಾರದು.. ಗಳಿಸಿಕೊಳುವುದೂ ಸುಲಭವಲ್ಲ ಹಾಗೇ ಉಳಿಸಿಕೊಳ್ಳುವುದೂ.. ಯಾವುದನ್ನು ನಾವು ಹೃದಯಪೂರ್ವಕವಾಗಿ ಮಾಡಲಾಗುವುದಿಲ್ಲವೋ ಅದನ್ನು ಉಳಿಸಿಕೊಳ್ಳುವುದು ಕಷ್ಟ.. ಒಂದೇ ಕಾಲಕ್ಕೆ ಸಾವಿರ ಸ್ನೇಹ ಮಾಡಬಹುದು. ಪ್ರೀತಿ ಕೂಡ ಮಾಡಬಹುದು. ಅದು ನಮ್ಮಿಚ್ಛೆ.. ಆದ್ರೇ ನಿಭಾಯಿಸಬೇಕಾದ್ದು ನಮ್ಮ ಕರ್ತವ್ಯ. ಇಚ್ಛೆಗೂ ಕರ್ತವ್ಯಕ್ಕೂ ವ್ಯತ್ಯಾಸವಿದೆ. ಎಲ್ಲರಿಗೂ ಪ್ರೀತಿ ಸ್ನೇಹ ನೀಡುವ ಮನಸ್ಸಿದ್ದರೇ ಅಲ್ಲಿ ಸ್ವಾರ್ಥ ಸುಳಿಯಬಾರದು. ಸ್ವಾರ್ಥವಿಲ್ಲದ ಮುಚ್ಚು ಮರೆಯಿಲ್ಲದ ಮನಸಿಗಷ್ಟೇ ಸ್ನೇಹ ಪ್ರೀತಿ ದಕ್ಕುವುದು. ಸ್ನೇಹಕ್ಕೆ ಅರ್ಥ ಕೃಷ್ಣ ಮತ್ತು ದ್ರೌಪದಿ.. ಕೃಷ್ಣ ಮತ್ತು ಸುಧಾಮ.‌ಕರ್ಣ ಮತ್ತು ದುರ್ಯೋಧನ . ಗಳಿಸುಕೊಳ್ಳುವುದರಲ್ಲಿರೋ ಗುಣ ಉಳಿಸಿಕೊಳ್ಳೊದರಲ್ಲಿರಬೇಕು.. ಕಾರಣವಿಲ್ಲದೇ ಸ್ನೇಹವನ್ನು ಪ್ರೀತಿಯನ್ನು ದೂರ ಮಾಡುವ ವ್ಯಕ್ತಿತ್ವ  ಇರುವ ಮನ್ಸುಗಳಿಗೆಂದೂ ಸರಿಯಾದ ಸ್ನೇಹ ಅಥವಾ ಪ್ರೀತಿ ದೊರಕದು.. ಎಷ್ಟು ಜನವಿದ್ದರೂ ಅವರುಗಳು ಒಂಟಿತನವನ್ನೇ ಅನುಭವಿಸುತ್ತಾರೆ. ನಿಷ್ಠೆ ಇಲ್ಲದಲ್ಲಿ ಪ್ರೀತಿ ಉಳಿಯುವುದಿಲ್ಲ. ಸ್ವಾರ್ಥವಿದ್ದಲ್ಲಿ ಸ್ನೇಹ ಬಾಳುವುದಿಲ್ಲ..... ಸುನೀ

ಎಷ್ಟು ಕಾಲ ಕಾದರೇನೂ 

ಬಾರನವನು ಎಂದಿಗೂ

ಭಾವಗಳಿಗೆ ನಿಲುಕುವವನು

ಬಾಳಿಗಾಗನೆಂದಿಗೂ

ಅದು ಭಕ್ತಿಯೋ ಪ್ರೀತಿಯೋ  

ಅರಿಯೆನಾನಿಂದಿಗೂ..

ಶ್ಯಾಮನೆಂಬ ಬೆಳಕು ನನ್ನೊಳಗ 

ಬೆಳಗುತಿರಲು ಅವನಿರವು

ಶಾಶ್ವತವೆಂದೆಂದಿಗೂ......ಸುನೀ

ವಾಸ್ತವ

ಭಾವನೆಗಳು ಗಡಿ
ಮೀರಿದಾಗಲೇ
ವಾಸ್ತವತೆಯ
ಅರಿವಾಗುವುದು..

ಸ್ವಾಮಿ ಶ್ರೀಧರಾ

ಗುರುವಾರದ ಪ್ರಯುಕ್ತ ನಮ್ಮ ಶ್ರೀಧರ ಸ್ವಾಮಿ ಗಳ ಮೇಲೊಂದು ಹಾಡು ಬರೆಯುವ ಸಣ್ಣ ಪ್ರಯತ್ನ...

      ಗುರುಭ್ಯೋ   ನಮಃ..

ಸ್ವಾಮಿ ಶೀಧರಾ ಸ್ವಾಮಿ ಶ್ರೀದರಾ..
ವರದ ಪುರದ ಮಹಾಶಕ್ಟಿ ಸ್ವಾಮಿ  ಶ್ರೀಧರಾ
ನಿತ್ಯ ನಿನ್ನಯಾ ನೋಡಲು ಬರುವಾ
ಭಕ್ತರಿಗೆ ಕೃಪೆಯ  ತೋರಿ ಅಭಯ ನೀಡೆಯಾ. (ಸ್ವಾಮಿ)

         ಹಸಿರು ಕಾನನದ ನಡುವೆ ನಿನ್ನ ಸನ್ನಿಧಿ
         ಬಂದ ಭಕ್ತ ಜನರಿಗೇ  ನೀ  ಪುಣ್ಯದಾ ನಿಧಿ
        ನಿನ್ನ ಕರುಣೆ. ಕಂಡ ಮನಕೆ ಎಲ್ಲಾ ಸೋಜಿಗ
        ನಿನ್ನ ಆಶಿರ್ವಾದದಲ್ಲಿ ಮಿಂದಿದೆ ಜಗ. (ಸ್ವಾಮಿ)

ಗುರುವೆ ನಿನ್ನ ಪಾದದಡಿಯ ಧೂಳು ನಾನು
ನನ್ನ ಪೊರೆವ ಮಹಾಮಹಿಮ ಯತಿಯು ನೀನು
ಧರ್ಮಧ್ವಜವ ನಿಲಿಸಿದಂತ ಪುರುಷೋತ್ತಮ
ನಿನ್ನ ದಯದಿ ಕಳೆವುದಿಲ್ಲಿ ಕಷ್ಟದಾ ತಮ (ಸ್ವಾಮಿ).... ಸುನೀ