ವಯಸು ಮ
09/08/2019
ವಯಸು ಮಾಗುವಂತೆ
ಮನಸು ಮಾಗುವುದಿಲ್ಲ
ಯಾಕೋ...
ಹಳೆಯದೇ ಭ್ರಮೆಯಲಿದ್ದೇನೆ
ಅದೇ ಸುಂದರ ಮೊಗ
ಹೊಳಪು ಕಂಗಳು
ಜೇನು ಸುರಿವಂತೆ ನಸುಗೆಂಪಿನ
ಅದೇ ಅರೆಬಿರಿದ ತುಟಿಗಳು
ಗುಲಾಬಿ ಕೆನ್ನೆಗಳು
ಕೆನ್ನೆಯ ಚುಂಬಿಸುವ
ಕರಿಮೋಡದಂತಾ ಮುಂಗುರುಳು
ಸೊಗಸು ತುಂಬಿದ ಮೈಮಾಟ
ಅದೇ ಭ್ರಮೆಯಲ್ಲಿದ್ದೇನೆ..
ಕನ್ನಡಿಯೇ ಶತ್ರುವಾಗಿದೆಯೇ
 ನನಗೇ..??
ತೋರುತ್ತದೆ ಇನ್ಯಾರನ್ನೋ????
ತುಸು ಕಪ್ಪಾದಂತೆ ಮೊಗ
ಕಂಗಳ ಸುತ್ತ  ಕರಿನೆರಿಗೆ
ಮಾಯವಾಗಿದೆ ಹೊಳಪು
ಒಣಗಿದ ತುಟಿಗಳು ಒಳಹೊಕ್ಕ ಕೆನ್ನೆ
ನೆರೆತು ಉದುರುತ್ತಿರುವ ಕೂದಲು
ಜೋತ ತೊಗಲು ..‌ಅಯ್ಯೋ....
ಯಾರಿದು?? ಸುಳ್ಳೇ ಬಿಂಬಿಸಬೇಡ
ಓ ದರ್ಪಣವೇ..
ಸ್ವಲ್ಪವಾದರೂ ಕರುಣೆ ತೋರು
ನಗುವ ಬೀರಲಾದರೂ ಬಿಡು
ಇಲ್ಲ .‌.ನೀ ನಿಷ್ಕರುಣಿ
ದ್ವೇಷಿಸುತ್ತೇನೆ ನಿನ್ನ
ನೋಡುವುದಿಲ್ಲ ಇನ್ನೆಂದೂ
ತಿರುಗಿಬಿಡು ಅತ್ತ
ಬದುಕಬೇಕಿದೆ ಇನ್ನೂ
ನಿರಾಶೆಗಗೆಳೆಸೆಬೇಡ
ಭ್ರಮೆಯಲ್ಲಿದ್ದೇಬೆ ನಾನು
ಅದ ಬಿಡಿಸುವ ಭ್ರಮೆ ನಿನಗೇಕೋ..
ನಗಿಸಿಬಿಡೊಮ್ಮೆ ನನ್ನ
ಸಾವಿನಾ ಕದ ತಟ್ಟುವಾ ಮುನ್ನ......... ಸುನೀ