ನೆನಪು 

ನನ್ನೆದೆಯ ಅಂಗಳದೆ ಆಡುವ ನಿನ್ನ ನೆನಪಿನ ಚೆಂಡು 

ಎದೆಯ ಗೋಡೆಗೆ ಬಡಿ  ಬಡಿದು 

ತಡೆಯಲಾಗದ  ನೋವ ತರುತಿಹುದು 

         ಆ ನೋವೆ ನಿಟ್ಟುಸಿರಾಗಿ  ಹೊರ ಹೊಮ್ಮಿ 

        ನೂರಾರು ಭಾವನೆಗಳು  ಆ ನಿಟ್ಟುಸಿರಿನೊಂದಿಗೆ  ಹೊರ ಚಿಮ್ಮಿ 

        ಗಾಳಿಯಲಿ ಬೆರೆತು ಹೋದವು ಗೆಳೆಯಾ .....

 ಭಾವನೆಗಳ  ಭಾರ  ತಾಳಲಾಗದೆ  ಆ  ಗಾಳಿ 

ನಿನ್ನೆಡೆಗೆ  ಬಂದು  ಮಳೆ  ಸುರಿಸಿದರೆ 

 ಮಳೆಯ ಒಂದು ಹನಿಯ  ನಿನ್ನ ಅಂಗೈ ಯಲ್ಲಿ  ಹಿಡಿದು 

ಕುಡಿದುಬಿಡು ಗೆಳೆಯಾ ..... 

ನಾನೇ ನೀನಾದ ಭಾವ ನಿನ್ನ ಸೇರುವುದು ನೋಡು 

ಆಗ ಸಾರ್ಥಕವಾಗುವುದು ನನ್ನ ಬದುಕು